Kirol Psikologia

Kirolariekin, zuzendaritza-kideekin, entrenatzaileekin, epaileekin eta familiekin egiten dugu lan. Esku-hartzea baliabideak bikaindu eta entrenmenduen eta lehiaketen eskakizunei modu arrakastatsuan aurre egitera bideratuta dago. Horretarako, konfiantza, motibazioa, arreta… hobetzeko teknika kognitibo konduktualez baliatzen gara. Kirolaren Psikologo garen aldetik, gure zeregina ez da bulegora mugatzen, zapatilak jantzita egiten dugu lan, psikologia entrenamendu sailera integratzen dugu.

NORENTZAT

Kirolariak

Zeure errendimenduaren hobekuntzan laguntzen dizugu. Zure indargunetan jartzen dugu abiapuntua, hobeto lehiatzea baimenduko dizuten gaitasun psikologikoak zeureganatzen
laguntzen dizugun bitartean, hala nola, aktibazioaren kontrola, arreta, antsietatearen maneilua…

Zuzendaritza-kideak

Kirol kluben antolakuntza eta kudeaketa erantzukizun handiko zeregina da, maiz oihartzun askorik gabea. Nare-n kirol kudeaketaren programak diseinatzen ditugu zure klubaren neurrira, zeintzuek izandako lorpenen kalitatezko balorazio objektiboa egitea baimenduko dizuten.

Entrenatzaileak

Lidergorako eta zure taldearen klima kudeatzeko ezagutza eta baliabideak jartzen ditugu zure eskura, taldearen errendimendua hobetuko dutenak. Zure kirolarien komunikazioa, konfiantza eta motibazioa hobetzen lagunduko dizuten tresnak eskeintzen dizkizugu.

Epaileak

Epaileen zereginak sarritan dakartzan egoera estresagarrietarako babesa eskeintzen dizugu.

Lehiaketari modu positiboan aurre egitea, arreta osoz eta erabaki-hartzeko prozesua bikaintzeko konfiantzaz.

Familia

Familia kirolarien garapen psikologikoan oinarri garrantzitsuenetarikoa da. Nare-rekin zure seme edo alabaren konfiantza eta motibazioa modu eraginkor eta orekatu batean garatzeko tresnak ezagutu eta aplikatzen ikasiko duzu.

NOLA EGITEN DUGU

Ebaluazioa

Zure errendimenduan eragina duten testuinguruari eta aldagai pertsonalei buruzko informazioa lortzeaz arduratzen den prozesua da ebaluazioa. Tresna ezberdinak erabiliaz informazioa jaso eta Jokaeraren Analisi Funtzionalean oinarritzen gara zure kontsultaren arrazoiari azalpen bat emateko.

Ondoren, jaso ditugun datuen araberako txosten bat garatzen dugu, non indarguneak eta hobetzeko atalak azaltzen ditugun. Gainera, zure kirol errendimendua bikaintzeko zenbait orientazio praktiko deskribitzen dira.

Esku-hartzea

Esku-hartze prozesua Kirol Errendimendurako beharrezkoak diren Gaitasun Psikologikoen entrenamendu programa bat diseinatzean datza. Esku-hartzea eraginkorra izan dadin, aldikako helburuekin eta hobekuntza adierazleekin egiten dugu lan, zeintzuk saioro aldatzen diren aurrerapena baloratzeko.

Gainera,aurrerapena egiaztatzeko, arlo psikologikoarekin zerikusia duten ariketak adosten dira entrenamenduetan praktikan jar ditzazun, Ebaluazio prozesuan bezala, Nare-k zure eskura jartzen du online bidezko esku-hartze metodoa, zenbait egoeretan prozesua erraztu eta azkartu dezakelarik.

INTERESATZEN ZAIZU?

Zerbitzu honetan interesik baduzu, info@nare.eus bitartez, 666 72 00 10 telefonora deituz edo on-line bidez kontrata dezakezu:

You need to install and activate the WooCommerce Shop Plugin to display WooCommerce Products